Skip to content

Where is Delmi?

diciembre 28, 2008

O pelegrín e cronista da diáspora, Delmi Álvarez, volveu parar por Washington, DC e encontrou abeiro no “baixo” da miña casa en Maryland. Fomos ó Mall Nacional, alí onde están os fermosos e gratuítos museos federais, alí onde está o monolito-obelisco a Geoge Washington (o que os  meus fillos cando nenos chamaban o”big pencil”); alí onde está un Abraham Lincoln pétreo, sereo e maxestuosos, no seu memorial; alí onde están os monumentos paseables ás Guerras (Corea, Vietnam, a 2a. Guerra Mundial…). Washington por momentos pode parecer un fermosos monumento á morte, noutras un impresionante testemuño da democracia. Ás veces, a mellor das metrópolis provincianas. E Delmi escoitou a miña historia e as bhistorias que lle contei dos galegos de aquí (e pediume que o contara para o libro da diáspora). E Delmi tirou fotos a esgalla: eu berrando o meu soño desde o punto onde hai 40 anos Martin Luther King cambeou a historia, eu diante do Capitolio, eu facendo introspección da historia e sentíndome un galego exhibicionista gracias á cámara de Delmi Álvarez. Estivemos con Juan Manuel Pérez—toda unha fonte inesgotable de historia, historias e sabedorías, e especialista en temas latinoamericanos na Biblioteca do Congreso de Estados Unidos. Pero cando subín ó coche de Juan Manuel —despois de visitarmos a Library of Congress— falamos do que importa —do seu pasado de fillo orgulloso de mariñeiros de Ribeira e de fútbol: descubrimos que unha das cousas que a ámbolos dous nos mantiña coa mente estable era poder seguir o fútbol por GolTV, a canle que nos permite seguir a Liga española, italiana, inglesa… Hoxe é domingo 28 (e o Barcelona xoga  co Villarreal en partido repetido) e Delmi xa marcho de Washington (debe andar con Emma en Birmingham onde ela e o seu compañeiro investigan, é dicir, fan o que non puideron facer en Galicia) E eu lembro o que o Premio Nobel de Medicina e investigador asturiano e neoiorquino me dixo unha noite de 1990, despois de entrevistalo para a TVG: “Avendaño, márchese a Estados Unidos”. Profesor Ochoa: aquí estou, igual que Emma Pérez-Costas, e Juan Manuel Perez, e tantos outros que estes días rescata, coma libros nunha biblioteca, Delmi Álvarez. ¿Onde está Delmi?

No comments yet

Responder

Por favor, inicia sesión con uno de estos métodos para publicar tu comentario:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s

A %d blogueros les gusta esto: